Budaya

Ayang Oyong

Senin, 28 Juni 2021 11:43 WIB

Edi Maryono

Suara Purwokerto - Puisi

Ayang Oyong


Anggitane : Edi Maryono

Rasa bosen nang ngumah bae
Tangan nggegem ora ngode
Kedesek kudu ngempani anak bojone
Njaluk sumbangan sembako nelangsa rasane

Ayang oyong ora ngode
Nganggur bejegur
Ati bunek pikiran mingser
Tongkrongan nang gang pertelon ora nganggo masker

Dicokot corona nembe krasa
Memet lara perih luar biasa
Nek ora ketulungan uwis mati
Oalah nembe ngajog ketemu mburi

Mulane pada sing ngati ati
Nganggoa masker aja keri
Aja lungan usah kluyuran angger langka kepentingan
Aja nyepelekna protokol kesehatan
 
Ndonga bae pada ndonga
Men corona enggal lunga
Ayang oyong ora guna

Purwokerto Kidul, Senin 28 Juni 2021

Penulis: Edi Maryono

Editor: Parsito Tommy

Berita Terkait

Copyright ©2021 Suara Purwokerto. All Rights Reserved

Version: 1.20.1 | Build ID: zxM9ndV3oXb1kDK9zvugk